#PecheOurense: Acta asemblea 4-6-12

miércoles, 6 de junio de 2012

Acta asemblea 4-6-12

1.0Comisión Organización

1.1Farase un calendario para programar documentais, películas, charlas, etc..

1.2Proponse invertir a ruta da manifestación para comezaren na Biblioteca Nodal e rematar no Edificio de Ferro levando a cabo unha Asemblea na chegada a dito edificio. Apróbase a proposta por consenso.

1.3Haberá que cambiar a redacción dos panfletos dado este cambio na ruta.

2.0Comisión Comunicación

2.1Coméntase un faio na comunicación no ámbito da difusión entre a xente.

2.2Xa está feito o blog de Peche Ourense do que quedara encargado Abejorro: PecheOurense.blogspot.com

Dise de quen teña fotos do peche que as envíe ó correo de PecheOurense para subilas ó blog.

2.3Hai que facer un cartaz co nome de peche ourense e difundilo polas bibliotecas da universidade e Nodal e na Casa da Xuventude

2.4 Procédese a ler as consignas e lemas propostas.

2.5Quédase en falar con CCOO para imprimir carteis

2.6 Proponse utilizar as letras de Castelao nas faixas e demais materiais do PecheOurense. Apróbase por consenso.

3.0 Comisión de Redacción

3.1 Lese a chamada á manifestación do martes 12 de xuño e redáctanse enmendas de esta.

Enmendas:

-Substituír “cambiar o modelo educativo actual” por “modelo educativo capitalista”: aprobado por consenso.

-Cambiar “Estado” por “Estado Imperialista Español (EIE)”

·A favor de cambialo: 4 ·En contra de cambialo: 14 ·A favor de cambialo por EIE:2 ·Abstencións: 3

-Engadir a “ocupación da biblioteca” “ocupación pacífica”

Aprobada por consenso

-Cambiar a palabra repetida varias veces “pobo” por “clase traballadora”: Aprobada por consenso

Logo de cambiar e engadir varias correccións procédese a ler o texto xa corrixido.

3.2Vótanse os lemas propostos nunha ronda de un voto por persoa e gaña: A mocidade revolucionaria en contra do capitalismo

4.0 Comisión de Formación

4.1Quédase en facer unha mesa redonda con responsables de sindicatos CUT, CIG, UXT, CNT, CCOO e CXT dándoselles un tema para falar. O tema elixido é “Mocidade como potencia revolucionaria” (aprobada por consenso) Esta mesa redonda levarase a cabo o luns 11 a unha hora que se contrastará nos próximos días.

5.0Finanzas:

5.1 Farase un bote común para comprar material

No hay comentarios:

Publicar un comentario

Manifesto

A mocidade anticapitalista de Ourense, o obxectivo de expresar a nosa vontade de implantar unha educación gratuita e científica, e como resposta ás agresións ás oportunidades dxs fillxs das masas populares, apostamos pola ocupación directa dos nosos centros de difusión cultural, como exercicio de reivindicación do noso dereito lexítimo de acceso ó coñecemento.

1. Consideramos que a existencia de centros educativos privados e relixiosos é totalmente antidemocrático e representa un lastre cultural, ademais de ser incongruente co paradigma científico actual e coa realidade social do momento. Polo tanto, a única solución é a existencia exclusiva dunha educación universal , gratuíta e democrática.

2. Esiximos un cambio no modelo educativo na cuestión de xénero, que se concrete na non invisibilización do papel da muller nos ámbitos histórico, científico e económico. A abolición do patriarcado empeza na educación.

3. Sendo conscientes da humillante situación de diglosia, esiximos que todas as materias agora impartidas en castelán sexan en galego , co obxectivo de chegar ó monolingüismo social en galego.

4. Rexeitamos categóricamente a incursión dos mercados en asuntos educativos, e esiximos a implantación dun sistema educativo humanista e ecléctico, destinada á formación integral do individuo e non a súa conversión en mercadoria nin á súa deshumanización.

5. Por último, considerando que a importancia da educación é máxima, denunciamos a preponderancia de gastos secundarios (militar, casa real, igrexa) sobre ela.

Por iso nos imos pechar de forma indefinida na Biblioteca Pública Nodal de Ourense, co fin de que se atenda ás nosas reivindicacións.

Asinamos as seguintes orgnzacións:

XUVENTUDE COMUNISTA

ADIANTE (MOCIDADE REVOLUCIONARIA GALEGA)

AMI (ASSEMBLEIA DA MOCIDADE INDEPENDENTISTA)

LCL (LIGA COMUNISTA LIBERTARIA)

GALIZA NOVA

15 -M ASAMBLEA ABERTA OURENSE

ESTUDANTES SEN FUTURO

LIGA ESTUDANTIL GALEGA

Saúde e revolución!

Despois da xornada de brutalidade policial facemos público este comunicado no que pretendemos desmentir calquer tipo de difamación ou de edulcoramento da terrible realidade que é o despotismo estatal, que se fai patente na represión policial , hoxe sufrida por estudantes en Ourense, pero que é unha constante na historia das conquistas obreiras.

Así consideramos que esta desmedida resposta das forzas de represión, fai patente o medo do estado, o medo do capital, á adquisición de conciencia do estudiantado do presente, que non é outra cousa que a clase obreira do futuro.

O importante dos feitos desenvólvese a partires da chegada de oito furgóns dos diferentes corpos policiais, e da súa entrada na biblioteca ocupada por estudantes de diferentes organizacións revolucionarias. Tras tres avisos intimidatorios, os cans do capital procederon a utilizar a violencia física e verbal coa maior crueldade da que uns instrumentos case inanimados e controlados como títeres son capaces.

Insultos , ameazas e por suposto violencia física, foron as protagonistas nunha xornada que viña marcada pola non violencia e o respeto ó material por parte da mocidade que se atopaba estudando. Curiosamente, esta non violencia rompeuse xunto co mobiliario da biblioteca e os lentes dun compañeiro, coa incursión das” forzas da orde”.

E con isto queremos deixar claro a nosa intención de continuar na loita ata que non exista nin un ápice de violencia estrutural, nin un chisco de coherción de ningún tipo. Por iso mañá seguiremos na rúa cunha concentración contra a represión policial. Por iso seguiremos todos os días loitando por unha democracia directa.