#PecheOurense: Acta asemblea 12-6-12

jueves, 14 de junio de 2012

Acta asemblea 12-6-12

Proposta de puntos para a orde do día. Os puntos propostos son:

Análise da xornada de hoxe (manifestación e preparación da mesma)
Valoración da xornada de onte (charla-coloquio cos sindicatos)
Continuidade do peche
Análise crítica ao movemento asociativo ourensá

Análise da xornada de hoxe

Por un lado a análise centrase na critica aos días previos á manifestación, ao escaso traballo de difusión, á pouca preparación, ou preparación a última hora da propia manifestación. Desto concluímos que esta falta de traballo deu un seguemento mínimo á nosa convocatoria.

Por outra parte recollense intervencións críticas sobre as consignas dentro da manifestación, accións violentas non planificadas e a improvisación dentro da mesma. Deste xeito, tamen hai palabras a favor e valorando moi positivamente todo o ocorrido na acción, fálase dun ambiente moi combativo e enérxico que supliu a falta de xente na convocatroria.

Valoración da xornada de onte

Outra vez a falta de traballo previo, difusión e propaganda, é unha máxima ao entrar a valorar. Sen embargo, hai opinións que din que non se notou en exceso, que había xente suficiente e o debate foi rico en contidos e en diversidade de opinións.

Continuidade do peche

Tras un longo debate, con palabras a favor e en contra de continúar có peche, pásase a unha primeira votación. O resultado da mesma é:

A favor de continúar có peche: 19 votos
En contra de continúar co peche: 19 votos
Abstencións: 19 votos

Tendo en conta o resultado da votación, decídese abrir un turno de plabras pechado, de cara a volver agrumentar as posturas e pasar de novo a votación. O resultado da segunda votación é:

A favor de continúar có peche: 26
En contra de continúar có peche: 19
Abstencións: 12

Vendo que a maioria da asemblea apostaba por manter o peche, cambiouse o último punto da orde do día por outro que fora: Planificación de traballo.

Hai diferentes propostas, pero que quedan sen concretar, entre elas:

Realizar unha acción no pleno municipal
Xornada de análise e plantexamento de obxetivos para o peche.

No hay comentarios:

Publicar un comentario

Manifesto

A mocidade anticapitalista de Ourense, o obxectivo de expresar a nosa vontade de implantar unha educación gratuita e científica, e como resposta ás agresións ás oportunidades dxs fillxs das masas populares, apostamos pola ocupación directa dos nosos centros de difusión cultural, como exercicio de reivindicación do noso dereito lexítimo de acceso ó coñecemento.

1. Consideramos que a existencia de centros educativos privados e relixiosos é totalmente antidemocrático e representa un lastre cultural, ademais de ser incongruente co paradigma científico actual e coa realidade social do momento. Polo tanto, a única solución é a existencia exclusiva dunha educación universal , gratuíta e democrática.

2. Esiximos un cambio no modelo educativo na cuestión de xénero, que se concrete na non invisibilización do papel da muller nos ámbitos histórico, científico e económico. A abolición do patriarcado empeza na educación.

3. Sendo conscientes da humillante situación de diglosia, esiximos que todas as materias agora impartidas en castelán sexan en galego , co obxectivo de chegar ó monolingüismo social en galego.

4. Rexeitamos categóricamente a incursión dos mercados en asuntos educativos, e esiximos a implantación dun sistema educativo humanista e ecléctico, destinada á formación integral do individuo e non a súa conversión en mercadoria nin á súa deshumanización.

5. Por último, considerando que a importancia da educación é máxima, denunciamos a preponderancia de gastos secundarios (militar, casa real, igrexa) sobre ela.

Por iso nos imos pechar de forma indefinida na Biblioteca Pública Nodal de Ourense, co fin de que se atenda ás nosas reivindicacións.

Asinamos as seguintes orgnzacións:

XUVENTUDE COMUNISTA

ADIANTE (MOCIDADE REVOLUCIONARIA GALEGA)

AMI (ASSEMBLEIA DA MOCIDADE INDEPENDENTISTA)

LCL (LIGA COMUNISTA LIBERTARIA)

GALIZA NOVA

15 -M ASAMBLEA ABERTA OURENSE

ESTUDANTES SEN FUTURO

LIGA ESTUDANTIL GALEGA

Saúde e revolución!

Despois da xornada de brutalidade policial facemos público este comunicado no que pretendemos desmentir calquer tipo de difamación ou de edulcoramento da terrible realidade que é o despotismo estatal, que se fai patente na represión policial , hoxe sufrida por estudantes en Ourense, pero que é unha constante na historia das conquistas obreiras.

Así consideramos que esta desmedida resposta das forzas de represión, fai patente o medo do estado, o medo do capital, á adquisición de conciencia do estudiantado do presente, que non é outra cousa que a clase obreira do futuro.

O importante dos feitos desenvólvese a partires da chegada de oito furgóns dos diferentes corpos policiais, e da súa entrada na biblioteca ocupada por estudantes de diferentes organizacións revolucionarias. Tras tres avisos intimidatorios, os cans do capital procederon a utilizar a violencia física e verbal coa maior crueldade da que uns instrumentos case inanimados e controlados como títeres son capaces.

Insultos , ameazas e por suposto violencia física, foron as protagonistas nunha xornada que viña marcada pola non violencia e o respeto ó material por parte da mocidade que se atopaba estudando. Curiosamente, esta non violencia rompeuse xunto co mobiliario da biblioteca e os lentes dun compañeiro, coa incursión das” forzas da orde”.

E con isto queremos deixar claro a nosa intención de continuar na loita ata que non exista nin un ápice de violencia estrutural, nin un chisco de coherción de ningún tipo. Por iso mañá seguiremos na rúa cunha concentración contra a represión policial. Por iso seguiremos todos os días loitando por unha democracia directa.